So, no weniger als 1 Wuchä! Swird öppä Ziit. Mir händ lang diskutiert i wellärä Sprach mir das Tagebuäch füärä sölläd. Mir händ Euis jetz entschidä, dass mir so schriibäd wiä Euis d'Schnurrä gwachsä isch. Wer weiss, vilicht hämer scho gli s'Züritütsch verlärnt und müänd dänn halt uf Englisch oder Spanisch wächslä...
D'Reisevorbereitigä laufäd uf Hochtuurä und Euisi Wonig glicht ämänä Chaos. Aber d'Uussicht uf 35C, Meer, Wällä und Schuäl ;) hälfäd vorwärts zmachä.
Mir flügäd am Samschtig 13:25. Wer Luscht hät äs Trändli zvergüssä, mir sind ab äm 10:30 I dä ByeBye-Bar (Abflughalle, Dock B).
Dä Inhalt vo Eusärä Wonig isch jetzt langsam i Chischtenä verpackt. Hüt münd mer diä Chischtenä no irgendwo verstauä, so dass mer d'Wonig morn übergä chönd. Am Aabig no s'letscht mal äis go ziä, und das isch es dänn öppä.
Da dä Kompi jetz au abbrochä wird, wird dä nächscht Iitrag i dem Tagebuäch vo irgendwo Unterwägs erfolgä. Also mer ghörd sich...und tschüss.